加拿大 HOME BIRTH (上)

最近有朋友問我係屋企生BB有咩要準備同埋叫我分享生仔過程,於是我搵返兩年前打既blog, 由26週直至生一共寫左幾篇,希望各位睇完唔好怕生仔,其實身體健康冇咩病痛的話,其實唔係咁可怕既。

bowie_1

 

 

進入26週,尋日再照3D ultrasound,見到個B係咁踢黎踢去,又用手遮住塊面,好不活躍。 

 

bowie_2
今日第4次見midwife(接生婆)了。

 

搵midwife community 真係好好多,首先佢地會安排兩個midwife 俾你,而你每次探訪都只係會輪流見其中一個midwife,因為佢地預左到時可能其中一個要stand by 同其他人接生。最起碼另外果個midwife 都有跟開你,到你生果時佢會了解你一直以來既狀況。

 

相比下見醫生就差得遠了,最初發現有左時由普通醫生介紹左我地去見某專做接生既女醫生,每次去到明明預約左時間都要等成兩個鐘先有得見,個receptionist 又無比臭串,醫生雖然都算nice,但每次佢都好似好趕住要見第二個病人咁,去左兩次計埋都見佢唔夠15分鐘,我頂。我仲未有health care,次次都要真金百銀俾$ ga,好心俾D 誠意Y。係頂唔順既情況下我地經朋友推薦去左見midwife。

 

bowie_3

 

 

我26週前每5個星期見一次,宜家開始就每3星期一次。每次可以同佢地傾成個幾鐘,無論係生理同心理上佢都會好關心你既近況,有問題問佢地都解釋得好詳盡,每見佢地一次我對生仔既恐懼就愈少。

正題,今次同佢地傾既topic 係 home birth,同香港唔同,係加拿大home birth 係一件幾平常既事。我同老公之前一直都好反對home birth,覺得宜家咩年代呀,當醫療咁發達既時候做咩要冒險係屋企生呢,如果有意外又點算呢?

待續.