機會嚟喇!最健康BB嘅中獎月份係…

想 BB 健康,媽咪會用盡好多方法,但原來BB「中獎」嘅月份都係關鍵因素。

 

根據英國《鏡報》報導,美國普林斯頓大學教授 Janet Currie,以及蘇黎世大學助理教授 Hannes Schwandt 所做嘅研究發現,6 至 8 月形成嘅胎兒,出生體型係全年最巨大,比其他月份 BB 平均重 8 至 9 克。至於 5 月所形成嘅 BB,早產機率就可能比其他月份受孕者高出 10%。

 

 

 

無論 BB 幾多月中獎,幾多月出世,都係上天送畀父母最珍貴嘅禮物,所以想 BB 健康啲,今個月不妨努力多啲,但如果 5 月份已經中獎嘅準媽咪,就唔好太介意呢個調查,開開心心安心養胎先係正經事啊!