advertisement

自從前年出書開始,又攪埋CurryBee(時裝生意),日頭湊2件,夜晚先可以做自己既野,我都係長期渴睡症,D眼紋仲爆到7彩﹗無辦法啦為左一圓自己既夢想,係要比人付出多D既。難得自己有咁既衝勁,唔好浪費,對仔大左D,都想開始自己既事業嘛。但現階段就要捱下夜喇,因為細細未返學,呔仔放學又好鬼痴身,日頭都係做唔到野。

話說回來,自從我攪左CurryBee之後,老公就有些少埋怨我連仔瞓左之後既少少時間都唔比佢,哈! 因為我未畢業就陀緊呔仔,之後都係全職湊B,所以佢完全唔習慣佢老婆「要做野」。雖然佢係好支持我有自己既工作,佢知我實在做得太快樂啦。哈! 但佢間中都有少少怨言,話我唔理佢之類啦!有時都覺得好難平衡,家庭同事業。因為1日真係得24小時,有48既話就可以分配得好D 喇!

老實講拍拖結婚咁耐,真係無咩點嘈過交。其實我好怕嘈,又怕煩,大家講黎講去有咩為? 合則來不合則去啦! 又可能係我地好就得大家,亦好尊重大家,一齊咁耐都已經知道大家底線,正常都唔會踩過界既。

而父親節當日,呔仔仍在微燒中,老公帶左細細出去食Lunch,我同呔仔就昏睡又昏睡。
我瞓到下晝3點幾,睇下Facebook佢寫左個Status 「悶親節快樂﹗」 咁我不嬲係主張有咩直接講,唔好單打,幼稚又無謂嘛。 而whatsapp亦幫左我地唔少溝通,平時好多講唔出既感覺都係打whatsapp的。咁我當然whatsapp問佢咩事啦,佢咪又話我唔理佢,掛住瞓之類…

要知道「可以瞓覺」對一個長渴睡既人係幾咁重要!我一聽已經火起,我都係想瞓多陣啫!自問做人媽媽我係盡心盡力,呢個連帶關係唔係淨係對仔得益喎,我盡力時爸爸咪唔使咁盡力囉!係咪先? 雖然老公好感激我對仔既付出,但人係善忘既。間中都要提下佢做爸爸做得幾幸福,有邊個爸爸係未試過捱夜起身湊仔? 佢就係高床軟枕既好例子喇!

當然我都好感激佢為屋企既付出啦,一個人撐起頭家唔易架! 所以一直係我全天候照顧呔細,佢係負責陪玩。湊仔係好開心,但我都有攰既時候架嘛。而家佢講到好似我瞓覺係唔岩咁喎,呢個咁關鍵既時刻,梗係要幫自己爭取下應有既權利啦!所以我就決定申訴下自己D苦況,同埋最重要一點係改變佢呢個「老婆唔會攰」既思想!先係今次革命既目的!哈~

連珠發炮後,我叫佢同細細食埋飯先好返黎,費事見到佢樣樣衰衰咁!
可能佢知衰啦,激親老婆,我平時唔會講咁多野架嘛,特別是我D苦況。我覺得決定要做既係自己,對仔又係自己既,辛苦一定有。但開心咪得囉。所以我甚少會呻自己辛苦。

見我咁講法,佢即刻知自己唔岩啦。一返到黎,望一望我,又忍唔住笑喎,送左份禮物比我,叫我拆。

Wow!原來佢買左條手鏈比我,上面仲有一個Mr.&Mrs. Charm,好得意呀!老公比我出完氣仲氹返我,個心即刻甜晒啦。嘻嘻~

kelly

就係咁。呢個小小既拗撬 (算唔算呢? 其實係我單方面話佢) 就隨著呢「Mr.&Mrs.」而完結左喇。哈~