全職湊仔生涯

未遇上老公以前,我係個遲婚主義者。廿歲出頭既我,甚至乎覺得自己唔會結婚,會係個女強人,為事業拼搏,得閒拍下拖咪算囉!唔知係咪時運高喇,無啦啦同何生撻著左,鬼掩眼咁左去New York做designer嘅機會。之後攪笑喇,未畢業結婚,畢業果年有埋呔仔,再2年抱2,噢!我望下自己,咩事呀?發生咩事呀? 我做咩變左全職師奶架???

 

湊B初時,每朝一擘大眼餵飽D仔,之後陪玩,又餵仔,又陪玩,全日就係攬住2隻野。果時同老爺奶奶住,唔係好使做家務又唔使煮飯,反而仲唧到時間寫Blog。至近年呔細上午返學,送完仔買菜,轉頭又接仔,食完個晏坐一坐,又洗碗預備傍晚煮飯。等仔瞓晒,終於有時間上網寫下Blog。前2年捱夜出左2本書,又攪左個童裝品牌,叫做對自己人生有少少交代。除左湊仔,都唔好仲係湊仔丫嘛!(不過對自己身體交代唔到,攪到而家勁易病,病左又勁難好)。佢地開始大,叫輕微甩身,可以做下自己鐘意既事,當然,只限於working at home。

 

全職湊仔呢段日子真係非常開心!相信係我人生中一段好重要既回憶。睇住佢地大,選擇性地教佢地做人既道理(因有好多道理而家講未明,所以要小心選擇, haha)而當中比我最大動力就係老公既支持同鼓勵!佢會讚我,會覺得做唔容易,絕對辛苦過返工,會明白我感受。放工返黎會陪仔玩,又或者weekend晨早帶左佢地去食早餐,等我訓到中午。老公既愛,令我心甘情願,義無反顧為頭家付出,自己嘛,擺到最後吧!(都話女人好易呃,你對佢好D佢就咩都比晒你,haha)

 

就係咁,眨下眼過左5年,如果你問我點睇呢段日子,又或者會唔會覺得,如果當初走左去New York,又會唔會係另一個人生呢? 會,當然不一樣喇!但人生就係咁,永遠唔會知道下一步係點走。既然如此,活在當下,享受現在吧!!

 

P.S.琴日渣車聽到首歌,幻想如果我呢刻響New York,可能就係夜麻麻聽緊歌,諗緊我為左既老公,唔知而家佢響San Fran點呢??

 

我到了這個時候還是一樣,夜裡的寂寞容易教人悲傷,我不敢想得太多,因為我一個人……
1 2