我願意!!

有時唔相熟既朋友聽到我響讀緊大學既時候,陀住呔仔畢業,都會問我係咪有左先? 其實唔係啦,所有野都係按我地計劃進行,只係我既計劃,可能響別人眼中有D古怪,但我從來唔鐘意計得太清楚既計劃。幾多歲,婚前要買樓,婚禮要點攪,幾多歲生仔,個仔又要點點點...呢D 完全無響我身上發生過。我諗好多Blog 友都唔知道,我地當年既目的,其實係為左生仔,哈!好幸運,婚後1個月就有左肥呔了!

 

早排有個服務機構搵我寫左篇關於既文章(未出街),義務的,我一口答應了。個機構新增左一條輔導服務,幫助感情失敗既朋友。我覺得好有意義呀,所以幫手寫左段稿。內容大致係講下我自己既觀,當然我唔係話自己好成功,我都有失敗既時候,但就係經歷失敗,令我對有唔同既睇法。

 

我係一個相信既人,我覺得2 個人就可以架喇!對我黎講,心靈上既滿足遠勝於物質。婚姻,就係甘苦與共既,即使當時無車無樓無番狗,只要大家相親,一樣生活得好快樂!其他野都係附屬品,有咪好囉,無都無影響。做比人睇既野更加唔需要,因為幾盛大既婚禮,都唔夠同一個原本三九唔識七既人」甘苦與共」咁壯烈卦?!既然咁勇猛,同佢行得呢一步,都已經豁左出去啦,又何必計較其他小節呢!

 

記得拍拖時同我老公講過﹐無論將來係點﹐只要兩個人一齊﹐就算困境一樣可以捱過去﹐本來都係無一物架啦。結果由零開始到今日生活安穩﹐老公擔起頭家﹐養到我地肥肥白白﹐兌現左當日既﹐真係好感動呀﹗要維持一段關係﹐我覺得識得欣賞對方係好重要。佢對屋企付出﹐為我地做既每件事﹐我都感激。一齊8 年喇﹐我仍然愛佢像最初﹐我相信佢都一樣既﹗有問過佢﹐做咩咁鐘意我呀? 佢話佢自己細個行差踏錯﹐唔識諗喎﹗估到佢會咁講啦﹗haha~

 

1 2 3