advertisement

做媽咪嘅除左要處理家頭細務,仲要照顧精力充沛嘅小朋友,有些媽咪甚至仲要全職工作!每日都咁忙碌,睡眠又點會夠?所以好多媽咪都發現自己嘅熊貓眼愈來愈嚴重…但有時明明已經訓左好耐,起身依然有大大個黑眼圈,究竟點解呢?

黑眼圈明顯

其實黑眼圈可以由其形成原因分為2種,一種由於天生眼周皮膚黑色素較多,卸妝吾乾淨形成色素沉澱,角質層增厚而形成的黑棕色眼圈;另一種則是由於眼部疲累,皮膚老化,鼻敏感,睡眠不足或血液循環慢,精神衰弱,營養不良等後天因素而引起的青色眼圈。

嚴重黑眼圈

無論係邊種黑眼圈,相合女士們都唔會鐘意,可能大家都試過揸左一般遮瑕膏之後唔單只冇改善,反而顯得灰灰髒髒或者眼下明顯白了一塊,望落去更無精神和奇怪……事實上遮黑眼圈都要夾返相應嘅遮瑕膏,黑棕色同青紫色嘅黑眼圈分別要用唔同顏色嘅遮瑕膏來修飾:

黑眼圈化妝

黑棕色眼圈需要用橙紅色嘅遮瑕膏來淡化,而青色眼圈就要用黃色遮瑕膏來遮掩;要維持到自然而長久的妝容效果,首先要用相應色調的遮瑕膏在眼圈(特別是在眼圈較嚴重的眼頭位置)重點遮瑕,接著可以在該部位用粉底掃輕掃上一層最接近皮膚色的粉底,用吸油面紙輕按吸收多餘油脂後,再在該位置用透明蜜粉輕按定妝,咁樣就唔會卡粉或者溶到一層層,變得比之前更礙眼啦。

黑眼圈遮瑕

雖然可以透過化妝來遮掩黑眼圈,但身為完美主義者,素顏嘅時候當然都唔想成隻熊貓咁有大大個黑眼圈,下篇文章我會同大家講下點先可以由根本消滅黑眼圈呢個強敵!

告別黑眼圈方法