慎防下半身水腫

d

 

 

各位靚媽們有冇感覺明明著住同一條褲,朝早起身時都好啱身,但一到左晏晝,就覺得條褲變緊左?其實係水腫從中作梗!唔好以為水腫總會消失,好小事,實情長期下半身水腫會更容易令下身堆積脂肪,久而久之,下半身會愈來愈臃腫!

 

首先,要知道自己是否下半身水腫,可以用手指按壓腿部,如果感到腿部皮膚十分緊繃就是輕中度水腫。另外,在腿上按下3秒,放手後如果凹陷久久未回彈,或者白印好耐先消失,咁就表示有嚴重水腫情況出現。

 

容易水腫嘅人,一般本身新陳代謝比較慢,攝入太多鈉,從而保留太多水分,但腎臟難以及時排出身體內多餘水分,最後形成水腫。所以要預防下半身水腫,需要從日常生活做起,加快下半身新陳代謝。可參考以下方法,有效預防下半身水腫:

 

1.      浸腳

 

浸腳除左可以令血液循環變好之外,亦可以令經絡暢通。注意浸腳每次要浸半小時以上,水位要浸過小腿肚先有效。

 

浸腳

 

2.      避免長期站立和坐著

 

長時間保持同一姿勢會令血液循環變慢,導致水腫。

 

3.      避免翹腳

 

翹腳會壓迫腿部血管,阻礙下半身血液循環。

 

翹腳

 

4.      按摩及抬腿

 

從下而上用虎口和大拇指向心臟方向按摩小腿,有助加速血液循環。而將雙腿向牆90度抬腿可以令血液引流返身體軀幹,舒緩腿部壓力,消除水腫。

 

5.      適量運動

 

每星期保持最少三次,每次持續至少30分鐘的運動習慣,雖然係老生常談,但對新陳代謝及血液循環確實好有幫助!

 

運動

 

 

6.      清淡

 

眾所周知,高盬高糖等高鈉食物會令體內廢水滯留,導致水腫形成,包括加工食品罐頭同醃製食物等,但你地又知唔知,電解質飲品含鈉量亦十分高,不能隨便飲用。

 

7.      多吃含鉀食物

 

某些食物如:紅豆、薯仔、蕃薯、菠菜、提子和薏米等含有豐富鉀質及胺基酸,可以加速體內循環,從而促進新陳代謝,亦有利尿效果,幫助排除體內多餘水分,從而減少下半身水腫嘅機會。

 

低鈉高鉀飲食

 

除左新陳代謝較為緩慢之外,一啲同腎臟有關嘅疾病,都會影響負責排水嘅腎臟功能,令水腫出現。所以媽咪們無論幾忙都好,都要注意喺晚上10點至淩晨2點呢段最佳人體排毒時間好好休息,時刻注意自己身體健康,咁先有本錢同心力好好照顧自己同屋企人,由內靚到外!