熊黛林孖女生日｜4歲生日曬溫馨全家福 去年做一件事女兒反應令她勁心痛

熊黛林（Lynn）與丈夫郭可頌一對孖女Kaylor與Lyvia昨天(4月19日)踏入4歲生日，正所謂生日要有儀式感，所以一如以往，熊黛林一早為孖女安排到影樓拍照，順道拍攝全家福，非常溫馨幸福。

熊黛林做慣主角 女兒生日幕後籌備一手包辦感吃力

今年拍攝生日照的主題其中有孖女喜愛的運動造型，大女Kaylor穿上超可愛芭蕾舞裙，妹妹Lyvia則穿上一身跆拳道服。整個拍攝由籌備、佈置、為囡囡扮靚靚，都是由熊黛林一手包辦，拍攝時這位名模媽媽更親自教授囡囡擺甫士，同時教她們儀態，拍出來的效果大家也非常滿意！熊黛林說：「每一年幫佢哋影一輯相，順便影埋全家福，會一直延續落去，因為每一年都想記錄低呢啲咁美好嘅回憶，佢哋又大一歲，作為成長嘅記錄，一家人睇返都知道呢個家係幾咁溫馨同幸福，佢哋係好幸福嘅小朋友，希望佢哋永遠都咁開心、健康成長。」

熊黛林孖女一剛一柔性格大不同

開心的背後，前期工作至全日陪伴囡囡拍照，熊黛林體力耗盡，更笑言比自己拍照還辛苦得多！不過當看到相片的製成品，熊黛林也都將一切辛苦拋諸腦後，她笑說：「影一次真係辛苦過自己影相呀！我影相唔使前期工作，只係參與，化妝、set頭、服裝，影完就走，但係要幫佢哋諗着咩衫？點樣影？要溝通，完咗之後要揀相，中間仲要教佢哋擺甫士，真係好多嘢、好辛苦，我寧願自己影相多啲，哈哈。」

她續說：「其實每一次嘅造型都係當時佢哋最鍾意嘅，就好似今年我會買彩虹裙，因為佢哋好鍾意畫畫，rainbow代表佢哋係好開心嘅小朋友；佢哋性格係一動一靜，家姐Kaylor斯文啲，鍾意好靚嘅嘢，扮公主、跳舞，妹妹Lyvia坐唔定，鍾意創作，郁嚟郁去，鍾意跆拳道，都係佢哋自己揀嘅，我都想將佢哋拍落嚟，大個咗睇返等佢哋知道細細個已經知道自己鍾意啲乜嘢，自己揀想學嘅嘢，佢哋都會好開心。」

熊黛林拍《家族榮耀》失縱3個月 女兒一句說話令她勁心痛

一對孖女不經不覺已經4歲了，熊黛林感慨說：「佢哋真係大得好快！尤其係我出咗去做嘢嗰3個月，返嚟之後見佢哋高咗咁多，識講嘅嘢又多咗咁多，突然之間覺得自己好似錯過咗啲嘢。」熊黛林講的是去年赴內地拍攝電視劇《家族榮耀》飾演大少奶葉彩薇，她過足戲癮之餘，演技亦得到觀眾認同。不過聽熊黛林語氣，此事實在可一不可再。

熊黛林回憶去年錯過去年女兒生日，仍然覺得有遺憾：「我哋係一個大家庭，好多人，呢個時候唔可以咁多人一齊慶祝，始終有少少遺憾，但係自己屋企人食餐飯、唱生日歌切蛋糕，一家人一齊就好開心。記得舊年佢哋生日，我返咗內地工作，唔可以陪喺佢哋身邊，我都有少少唔開心，但係今年喺佢哋身邊，我同囡囡都好開心，佢哋成日都話『媽咪好開心妳唔使做嘢，我唔鍾意妳出去做嘢咁耐。』我都知道佢哋好需要我、好想我陪喺佢哋身邊。希望佢哋可以健健康康、快高長大，每日都咁開心。」

孖女去年3歲生日相，少了媽咪在場，現在回看真的有少許缺失。聽熊黛林這樣說，想睇她再show演技，似乎都有些難度了。或者不用出埠拍攝，她才會考慮吧。

A post shared by (@) on