踏入「Trouble Two」麻煩兩歲期，小朋友成日挑戰底線，絕對是一眾靚媽的終極噩夢！最近，圈中兩位新手爸媽連詩雅（Shiga）同林奕匡（Phil）為ViuTV節目《孩子，你怎樣長大？》飛往新加坡和韓國實地考察當地教育文化。原來星級爸媽面對住屋企個「小魔怪」，一樣有滿滿的苦惱與反思！即睇他們點樣拆解育兒難題，隨時給予靈感各位媽媽！
「緊張大師」連詩雅狂報6大Playgroup！星洲之旅反思學「放手」
自認是「緊張媽媽」的連詩雅，雖然由細到大讀國際學校，但對囡囡Camila的學習安排絕對不手軟！Shiga 一口氣為女兒報讀了 6 個 Playgroup，當中包括 Baby Gym、分離班和幼兒數學班等，務求從小培養囡囡的社交和情緒控制能力。
不過，今次新加坡之旅卻令 Shiga 有好大衝擊！她發現當地很早便透過課外活動給小朋友發掘天賦，最令她震驚的是新加坡小朋友極高的自理能力：「完全打破咗我過去覺得『小朋友仲細，咩都要幫佢做』嘅既定印象！」學識放手，原來才是小朋友最好的成長禮物。
拆解女兒挑戰底線
講到剛滿2歲的 Camila，連詩雅笑指女兒絕對係挑戰底線嘅高手！想食糖被媽咪拒絕？轉頭就會出招嗲爸爸同長輩。面對古靈精怪嘅囡囡，Shiga 堅持要講道理，絕對唔會因為阿女大喊大叫就心軟妥協。遇到唔肯走嘅情況，佢會用「協商」代替硬碰硬：「例如講明『玩多5分鐘我哋就返屋企』，咁樣氣氛會溫和好多！」
林奕匡崇尚自然教育 生活就是最優質的Playgroup
相反，同樣面對囝囝成長期的林奕匡就走「佛系」自然教育路線。Phil 認為與其花大錢報 Playgroup，倒不如將生活變成課室！帶小朋友去超市推著 BB 車認水果、去公園摸摸沙石木屑，親自用五官探索世界，這種快樂和體驗比任何課堂都來得珍貴！
相反，同樣面對囝囝成長期的林奕匡就走「佛系」自然教育路線。Phil 認為與其花大錢報 Playgroup，倒不如將生活變成課室！帶小朋友去超市推著 BB 車認水果、去公園摸摸沙石木屑，親自用五官探索世界，這種快樂和體驗比任何課堂都來得珍貴！
對付「隨性破壞王」 無限耐力大考驗
林奕匡大爆囝囝近期化身「隨性破壞王」，最鍾意將食物扔在地下，仲要「越叫唔好越掟得開心」！面對這場鬥智鬥力的大戰，而 Phil 的必殺技就是 —— 無限耐性。「真係只能夠攞出無限嘅耐性，同佢講足 100次！」不打不罵，用時間與愛心慢慢教導。
