advertisement

【真人真事】開刀傷口發炎餵唔到母乳,老公責備:「要BB食奶粉,你點做人阿媽?」

眾所周知,餵母乳對BB好是不爭的事實,為了讓BB得到最佳營養,不少媽媽不惜犧牲休息時間,忍受痛楚也要餵母乳。可是,不餵母乳就等於不鍚BB嗎?

一名新手媽媽在論壇訴苦,指自己因為沒有餵母乳而被老公和奶奶責備。事主原本都想餵人奶,想不到因BB胎位不正要開刀,事後更因傷口發炎而受盡折磨。

「BB出世幾個月,我本來都打算餵母乳,連吸奶器都買埋。點知BB出世之後,我先發現生仔係幾偉大,因為真係好痛好辛苦!BB胎位不正所以我喺公立醫院開刀,醒返我連呼吸都覺得痛。後來去拆線,傷口仲未埋口,後期仲有發現流膿同滲血水,醫生話傷口發炎要食抗生素,叫我暫時唔好餵人奶,仲要日日返去洗傷口,根本冇心情冇時間好好坐月...」

女事主原本以為老公會愛錫呵護她,怎知道換來是老公和奶奶的責備!二人均認為沒餵人奶是沒做好媽媽的責任,可是女事主卻平反,認為自己雖然是新手,但已經盡力去做足本份,即使BB要食奶粉也是因為傷口發炎,無可奈何的事。

佢同我講:「要BB食奶粉,你點做人阿媽?人開刀你開刀,係得你會發炎?係咪你冇好好照顧自己?如果你連自己都唔識照顧,點照顧BB?」仲話而家BB冇得飲人奶,之前買的吸奶器就浪費了....聽到真係好心痛。連奶奶都同老公同一陣線,探BB時不停講:「BB你真係陰公囉,要飲奶粉冇得飲人奶。」成日俾說話我聽,我真係好嬲!飲奶粉又點?就等於唔鍚BB咩?我雖然係新手,但自問都樣樣做足,就算餵奶粉我都一樣咁鍚BB,同埋而家唔係我唔想餵人奶,係身體唔容許,講到我特登令自己傷口發炎咁.....

網民:你老公冇良心!

投稿引起網民討論,留言指老公「冇生過仔唔知生仔有幾痛」、「冇良心」,又留示指奶奶「點解女人都唔幫女人」、「講野好難聽」!不少網民都安慰媽媽,希望佢心情唔好被家人影響,更有留言指「不如返娘家啦!」

各位媽媽又點睇呢?

延伸閱讀 >>8個徵兆及早發現產後抑鬱症
延伸閱讀 >>新手爸爸也會患上產後抑鬱!
延伸閱讀 >>若未能陪產,老公應學會「遠距離」陪伴老婆